Trump sosten als independentistas de Hong Kong e desafia la China


Lo president dels Estats Units, Donald Trump, a desafiat la China en signant de projèctes de lei en supòrt a las protèstas de Hong Kong mentre plaideja per una solucion «amistosa» de las diferéncias entre l’ex-colònia britanica e Pequin. La decision a provocat la responsa de la China, qu'a menaçat amb «contra-mesuras» se Washington contunha d'interferir en los sieus afars intèrnes.

Lo president nòrd-american afirmèt que los projèctes s’an promogut «amb l’esperança que los caps e representants de la China e Hong Kong sián capables de resòlvre politicament las siás diferéncias en se dirigint a un long periòde de patz e benestar per totes». Lo vice-ministre chinés d’Afars exteriors, Le Yucheng, a convocat l’ambaissador nòrd-american a Pequin, Terry Branstad, per li transmetre lo refús d’aquela mesura. En un comunicat difondut per l'Ostal Blanc, Trump, que primièr aviá suggerit que vetariá los projèctes, indiquèt que soscriguèt fin finala per «respècte» lo president chinés, XiJinping, e lo pòble de Hong Kong.

.