La segonda granda cauma generala de Colómbia manten en tension lo govèrn


Colómbia aguèt lo sieu seten jorn de protèstas que traversèron lo territòri amb las siás mobilizacions, talhs de rotas e protèstas amb coquèlas. La cauma generala convocada pels sindicats e estudiants en reclam d’un país mai just faguèt enfadarlo president, Iván Duque. «Vivèm de moments de fòrça exigéncia en la societat, mas que demòre clar: aicí pas pretendràn los piròmans ganhar amb la violéncia çò que ganhèron pas a las urnas», diguèt en participant d’un Congrès Nacional d'Elevaires que li ofriguèt supòrt.

I aguèt de marchas a Cali, Medellín, Barranquilla, Cartagena, e d'autres centres urbans. Aquel còp se detectèron d'incidents mendres. La plaça Bolívar foguèt un autre còp l’epicentre de la convocacion a Bogotà. Los manifestants arribèron amb bandièras e camisetas de la seleccion de fotbòl. I aguèt musica e balh. En cap de moment quitèron de cantar lo nom de Dilan Cruz, que moriguèt diluns als 18 ans coma consequéncia d’una accion policèra. La siá mòrt foguèt un dels motius de desacòrdi entre las fòrças que convoquèron a poblar las carrièras e lo Govèrn de drechas.

.