L'Union Europèa prepara una responsa comerciala als aranzels de Trump

Los pantalons texans es una merça que poiriá demorar afectada.

Après la guèrra economica qu'a iniciat lo govèrn Trump contra la China e l'Union Europèa (UE), aquela darrièra preveja respondre amb una sèria de mesuras. Las accions de las autoritats europèas auràn coma objectiu qualqu'uns dels produchs simbòl del "Made in USA", per contrarestar los aranzels anonciats per Washington als sieus produchs, après l'autorizacion de l'Organizacion Mondiala del Comèrci (OMC).

Se veirà tanben afectat lo comèrci de la pesca de l'Atlantic, los vins de Califòrnia, los cacahuats o los blue jeans (texans). Aqueles son solament qualques produchs objècti d'eventualas sancions milionàrias que Brusselles aplicarà als Estats Units.

D'aquela manièra, la responsa de Brusselles a Washington se farà pas esperar e la Comission Europèa uèi -en nom dels 28- a anonciat que prepara la siá responsa. Totun, l'UE a exprimit tanben l'esperança que se pòsca evitar una escalada de sancions e, doncas, una guèrra comerciala entre los dos costats de l'Atlantic.

"L'UE deplora la decision dels Estats Units", expliquèt uèi Daniel Rosari, pòrtavotz de l'executiu comunitari, "prejudiciarà als consumidors e a las entrepresas nòrd-americanas e farà mai complicats los esfòrces envèrs un acòrdi negociat".

Mas Rosario avertís tanben a l'administracion Trump que l'UE a pas l'intencion d'esperar e observar: "Se los Estats Units impausan de sancions als produchs europèus, aiçò portarà l'UE a una situacion en la qu'aurem de far lo meteis".

.