Airbus e CCI Marseille Provence impulsaràn las start-up de la Provença


Lo CCI Marseille Provence (CCIMP) signèt, lo 23 de julhet, un acòrdi de collaboracion amb Airbus Développement amb l'objectiu de donar un melhor supòrt a las entrepresas que crèan o mantenon de luòcs de trabalh a Marselha. 

"Aquela collaboracion permetrà far créisser de manièra conjoncha los nòstres negòcis e lo nòstre territòri. Totes i ganham: es una oportunitat per la nòstra economia" , comentèt Jean-Luc Chauvin, president de CCI Marselha Provença.

Opinèt tanben Michel Sesquès, president d'Airbus Développement, qui tròba qu'"aquela es la primièra convencion qu'Airbus signa amb una Cambra de Comèrci dins l'estat francés" e a confirmat la volontat de confiar en l'experiéncia del CCI de Marseille Provence en lo supòrt a mesura dels caps de projèctes", amb l’objectiu de promòure un projècte amb elicoptèrs Airbus. Se promouràn tanben projèctes d’emprenedoria en general, en benefici de la creacion de luòcs de trabalh a la Provença.

.