Lo Parlament rus blinda l'internet russa e ensaja n'aver lo contraròtle


Lo Parlament rus a aprovat, en tresena e darrièra lectura, un conflictiu projècte de lei que permetrà que las webs russas contunhen de foncionar dins de condicions d'isolament de la rèsta del mond, dins lo cas de besonh.

Per las autoritats russas s'agís d'un instrument de defensa dins lo cas d'atacs cibernètics, per exemple de part nòrd-americana. Totun, per fòrça observaires, en realitat es un nòu assag de contraròtle del Kremlin sus internet e lo flux de las informacions en linha.

Votèron en favor de la proposicion 307 deputats e en contra 68. Ara lo document li cal èsser aprovat pel Senat e somés a la signatura del president Vladímir Putin.

Lo projècte preveja dirigir lo transit de donadas e las donadas de la web russa cap a nodes controtlats per las autoritats estatalas e prepausa bastir un DNS nacional per permetre a la ret seguir en foncionant en cas que demorès talhada de las infrastructuras estrangièras.