Algèria protèsta pel nomentament continuista del president Bensalah


Lo president del Senat algerian, Abdelkader Bensalah, es estat nomenat aquel dimars coma cap d'estat interimari d'Algèria per un periòde de 90 jorns, après la demission de AbdelazizBouteflika ras de las protèstas massivas dins las carrièras.

Una setmana après la demission de Bouteflika, e segon ditz la Constitucion d'aquel país nòrd-african, Abdelkader Bensalah assumís la presidéncia pendent 90 jorns. En aquel periòde, li caldrà convocar d'eleccions.

Lo nomentament, mas, a pas acabat amb las reclamacions ciutadanas. Los manifestants vòlon tanpauc Bensalah, que fa partida de l'anciana copòla dirigenta qu'a governat lo país los darrièrs decènnis, e reclaman un renauiment mai ample del poder.

Las carrièras claman per una transicion de vertat que siá pas dirigida per membres de l'actual cercle de poder, coma es lo cas de Bensalah. Lo nòu cap d'estat interimari presidís lo Senat dempuèi fa 17 ans e lo se considèra fòrça leial al demissionat Bouteflika.