Mexic exigís al rei espanhòl e al papa que se desencusen pel genocidi d'America


Polemica a l'entorn del refús catolic e d'Espanha a la peticion del president mexican, Andrés Manuel López Obrador, a Felip VI e al papa Francesc, per que se desencusen pels abuses comeses pels espanhòls pendent la conquista e genocidi de las nacions originalas de Mexic. Dempuèi lo govèrn d'Espanha, las reaccions mai advèrsas venon dels partits nacionalistas espanhòls PP, Ciudadanos, Vox e PSOE. Per contra, lo partit nacionalista espanhòl d'esquèrras 'Podemos' dona la rason al mandatari centri-american.

De la part del govèrn espanhòl, la vice-presidenta, socialista Carmen Calvo, assegura que lo rei espanhòl a pas perqué se desencusar de res. Lo ministre d'Afars exteriors e Cooperacion, lo nacionalista e socialista espanhòl Josep Borrell, reïtèra fermament lo refús del govèrn a las peticions del president mexican. S'i es prononciat dempuèi Buenos Aires, ont se tròba en acompanhant los reis en una visita diplomatica.

Lo ministre espanhòl a assegurat que trabalhan perque las relacions entre Mexic e Espanha ne resulten pas afectadas. López Obrador, per contra, revèla aquel diluns qu'a enviat aquelas cartas tant al monarca espanhòl coma lo papa, e en un vidèo a las rets socialas defensa que la "descobèrta" foguèt, en fach, una "invasion".

Lo cap del partit de ultra-drech espanhòl PP, Pablo Casado, qualifica las paraulas de López Obrador d'"inadmissibles" e a exigit a Pedro Sánchez que li diga dins aquel "govèrn esquerranós" qu'Espanha "accèpta pas difamacions sus l' istòria".