Lo Parlament de Catalonha vòl examinar la corrupcion de la monarquia espanhòla


Lo Parlament de Catalonha a aprovat metre en examen la monarquia espanhòla. O a fach amb los vòts en favor dels partits independentistas 'Amassa per Catalonha', 'Esquèrra Republicana de Catalonha' e la CUP e lo partit republican 'Catalonha En Comun'. En contra an votat los partits nacionalistas espanhòls 'Ciutadans', PSOE e PP.

La comission li caldrà metre en examen las supausadas activitats irregularas o delicitives ligadas dins l'ostal reial, "compresas las destinadas a forçar lo traslat de l'abitança sociala de bancs, grandas entrepresas e multinacionalas defòra de Catalonha après lo referendum d'independéncia de Catalonha celebrat lo 1-O".

A tanben l'objectiu d'abordar los "presomptius comptes irregulares" del paire de l'actual rei Felip VI, l'ex-monarca Joan Carles I, "a Soïssa e en d'autres paradises fiscales a nom de tresenas personas", a comptar de las gravaduras de l'amiga del rei Corinna zu Sayn-Wittgenstein.

Los partits nacionalistas espanhòls, per contra, considèran que lo Parlament de Catalonha a pas competéncias per far las investigacions. 'Ciutadans' e PP, de mai, an avalat lo violent discors del rei espanhòl del 3 d'octòbre contra los independentistas catalans. Aqueles partits esperan que l'actual president espanhòl, lo nacionalista e socialista Pedro Sánchez, presente un recors d'inconstitucionalitat.