Tresen dissabte de protèstas dels Justets Jaunes amb tension amb la polícia


L'avenguda dels Camps Elisis de París es uèi talhada al transit e se permet solament que i accediscan de pedons après passar un contraròtle d'identificacion. Se vòlon evitar los incidents de fa una setmana, que i aguèt d'afrontaments amb la polícia e agressions al mobiliari urban.

Tresena dimenjada de manifestacions, a França, del collectiu dels Justets Jaunes, que protèstan, mai que mai, per la pujada de prètz dels carburants. Qualqu'uns d'eles van tanben amb bandièras bretonas, coma se pòt observar a l'image. Los timides aprochaments del govèrn francés cap al collectiu per calmar los ànims son estats fins ara inutils.

Un còp mai, las protèstas van acompanhadas de tension amb la polícia. Aquel dissabte, ja abans de las nòu del matin, qualques manifestants an accedit als Camps Elisis de París, mas la polícia ensaja empedir que s'i concentren. La polícia francesa a fach qualques detencions.