Lo nòu govèrn de Mexic càmbia l'estrategia e aculhirà los refugiats de Honduras


Lo govèrn del nòu president de Mexic, Andrés López Obrador, a cambiat l'estrategia de daissar a la deriva los refugiats de Honduras que son arribats a Tijuana, frontièra amb los Estats Units, e lancèt un plan emergent per los recebre e melhorar la siá precària situacion.

Unes 6.000 refugiats de Lo Salvador, de Honduras e de Guatemala son estats principalament en vivent dins de condicions malaisits, en tendas de campanha, en una aubèrja, en sofrint d'actituds xenofòbas dels abitants de la vila.

Los refugiats se tròban, de mai, afectats per la pluèja e lo fred dempuèi qu'arribèron a Tijuana. Las autoritats de l'estat de la Bassa Califòrnia se planguèron que lo govèrn del president Enrique Peña Nieto, que daissèt ièr la carga, ignorèt sistematicament las siás peticions per destinar de sòus e ajuda necessària per afrontar aquelas dificultats.

La nòva estrategia del govèrn prevei la revision de las aubèrjas ont se tròban los refugiats -la majoritat dòrmon a l'esportiu Benito Juárez, près del mur termierèr e al Barretal- perque los membres de las divèrsas caravanas qu'inicièron lo sieu pelegrinatge lo 12 d'octòbre passat ajan "un luòc digne ont s'èsser".

Se prevei, entre autras causas, refortilhar la seguretat mejançant un operatiu coordinat amb fòrças federalas e localas.