Lo nacionalisme espanhòl se radicaliza amb un nòu partit fascista


Dins un estat coma Espanha, ont i a preses de politics catalans e ont se fa fòrça malaisit determinar se los partits egemonics tradicionales son encara democratas, s'es produsit l'irrupcion d'una nòva formacion que ja dobertament se declara de ultra-drecha fascista. 

Es estat a las eleccions regionalas d'Andalosia, dins la zòna sud de l'estat. Malgrat que lo PSOE de Susana Díaz a ganhat las eleccions, o a fach amb 33 bancs, 14 mens qu'en las passadas eleccions. Lo partit de Susana Díaz poiriá pèrdre la presidéncia del Conselh en favor d'un tripartit de drechas.

E es que la notícia es que la drecha soma per governar a Andalosia, mercés, en bona part, a la fòrta irrupcion de la formacion fascista 'Vox', qu'obten 12 bancs.

Aital, lo Partit Popular andalós, del candidat Juanma Moreno, ocupa la segonda posicion, amb 26 bancs (per 33 fins ara) e poiriá governar amb Ciutadans, que n'obtendriá 21, 12 mai qu'en la passada legislatura, amb Vox. Las tres formacions soman 59 bancs, una majoritat comòda, per dessús los 55 de la majoritat absoluta.

La quatrena fòrça del Parlament andalós es Endavant Andalosia, la coalicion d'esquèrras que compren Podèm e a presentat Teresa Rodríguez coma candidata. Aquela coalicion obten 17 bancs.

La presidenta andalosa e ganhanta de las eleccions, la nacionalista espanhòla e socialista Susana Díaz, recep un arrepè istoric pel PSOE a Andalosia. Díaz a admés que l'arc parlamentari indica que i a un arrepè de l'esquèrra, mas a apondut que "çò de mès de grèu" es l'irrupcion de l'extrèma drecha.

En aquel sens, a demandat a totes los partits que la ajuden "a frenar l'extrèma drecha a Andalosia".