Las protèstas dels Justets Jaunes se son convertidas en una autentica batalha


Tresena dimenjada de manifestacions, a França, del collectiu dels Justets Jaunes, que protèstan, sustot, per la pujada de prètz dels carburants. A París, las protèstas se son convertidas en una autentica batalha aquel dissabte. Ja de bon matin, qualques manifestants an ensajat accedir als Champs-Elysees de París, mas la polícia los a contenguts a l'entorn de l'Arc de Triomfe en fasent de cargas amb manjas d'aiga e gases.

Los afrontaments entre manifestants e polícia son estats contunhs al cors del jorn. Près de l'Arc de Triomfe, an calat fuòc dins una bastissa, an cremat de veituras e de contienedors, e an panat de divèrses comèrcis. Aquel tresen dissabte, la protèsta a fach un saut. I a agut mens de manifestants que la dimenjada anteriora, mas los rambalhs an pujat d'intensitat. I a 113 ferits e 412 detenguts.

Representants del sindicat de polícia an denonciat que los manifestants an panat una arma d'assaut d'un veïcul policèr. A causa de las protèstas, se son barrats una vintena d'estacions de mètro.