La revòlta dels justets jaunes se estend a la Catalonha independentista dels CDR


La revòlta dels justets jaunes se comença a estendre non sonque a Belgica, ont los ecologistas i an sostengut, mas tanben a Catalonha, ont los CDR independentistas catalans, de l'esquèrra anti-fascista, a començat a talhar de rotas e d'autopistas. La revòlta dels justets jaunes catalans reclama la desliurança dels preses politics catalans e la independència de la Republica Catalana.

Los CDR (Comitès de Defensa de la República Catalana) son un ensems d'assembladas localas, de quartièr, comarcales e nacional amb l'objectiu de defendre, en primièra instància, lo referendum del 1 d'octòbre e la republica catalana posteriorament, dempuèi l'estrategia de la pas-violéncia. Las assembladas comptan amb membres d'entitats, partits politics independentistas, sectors de l'economia o l'espòrt e de personas independentas que cercan organizar aquela defensa pòbli dins pòble e quartièr dins quartièr. Existisson tanben CDR internacionales e a l'Occitània.

Per ara, los justets jaunes catalans del CDR independentistas talhan, dempuèi primièra ora d'aquel dissabte lo matin, l'autopista AP-7, a la nautor de la vila de la Botelha. Unas 200 personas an accedit a l'autopista pauc après la set del matin e an escampat pneumatics, pèiras e, quitament, garda-raïlsa la via. Los justets jaunes catalans independentistas fan de cridas a la populacion a se jónher a la revòlta.

Tanben a la Catalonha Nòrd se produsisson de talhs a las rotas qu'an format de longas coas. Per ara, los principals talhs son a l'autopista A-9 entre los peatges de Perpinhan e lo Voló, al tram que connècta amb la Jonquera, e a la AP-7 a Figueres.

Un fòrt dispositiu policèr empedís als Justets Jaunes bloquejar los peatges. Los manifestants arturan los camions abans de l'intrada a l'autopista. Un dels manifestants, en Josep, que demòra en Ceret, bota en evidéncia que partiràn pas fins que lo govèrn de Emmanuel Macron plegue o se comprometa a abaissar los impòstes e aumentar lo salari minim. "Las gents viu amb 1.200 èuros e lo còst de la vida es aicí fòrça mai naut", protèsta.