Lo regim chinés menaça lo Canadà per la question 'Huawei'


Lo regim totalitari que governa la China a menaçat aquel dissabte a la justícia del Canadà en assegurant que i aurà de represalhas grèus se l'estat nòrd-american libèra pas immediatament la directora financièra e vice-presidenta del conselh d'administracion de la companhiá chinesa, Meng Wanzhou. Lo vice-ministre d'Afars exteriors de la China, Le Yucheng, a fach aqueles avertiments a l'ambaissador canadian a Pequin en allegant que "se es ignorat la lei" e que la detencion foguèt sens rasons.

La China, que sembla pas comprene la separacion de poders pròpris dels estats democratics, "sollicita de manièra fèrma la part canadiana perque libère immediatament la persona detenuda e protegisca seriosament los sieus dreches legales e legitimes" e anóncia que, en cas contrari, "lo Canadà li cal acceptar la plena responsabilitat de las grèus consequéncias causadas."

La filha del fondator de l'entrepresa chinesa de las telecomunicacions e de telefòns mobils foguèt detenuda lo 1 de decembre a Vancouver a la demanda de la justícia dels Estats Units, que la acusa de violar las sancions a l'Iran. En fach, la justícia canadiana a revelat oficialament que los Estats Units en vòlon l'extradicion per èsser-se sautat entre lo 2009 e lo 2014 las sancions aplicadas per Washington e Brusselles a l'Iran.

Meng Wanzhou A comparegut aquel divendres davant un tribunal del Canadà per demandar la siá libertat jos fiança. Demòra ara per veire se lo Canadà decidís o pas la siá extradicion als Estats Units.