Cent vint femnas e de mainadas agarridas, tustadas e violadas al sud del Sodan


Cent vint femnas e de mainadas, quitament mendres de 10 ans, foguèron agarridas, tustadas e violadas en una region del sud del Sodan en los darrièrs 10 jorns. L'alarma arribèt de Mètges sens Frontièras (MSF) que brindèt assisténcia medica e psicologica a las victimas d'aquelas "brutalas agressions" contra femnas, qualques embarassadas e d'autras de mai de 65 ans.

Segon testimònis reculhits per l'entitat, los faches passèron mentre las femnas e de mainadas se dirigissián a un centre de distribucion de neurituds a Bentiu, al nòrd del país african. Los meteisses testimònis diguèron que los agressors èran d'òmes vestits amb uniformes de milicians o de civil.

Las violéncias sexualas son una plaga extensament difonduda en la guèrra civila qu'emplís de sang al Sud Sodan dempuèi 2013 amb un balanç de 400.000 mòrts e gaireben un tèrç de la populacion obligada a fugir de cò sieu.