La premsa de Brasil publica un possible cas de corrupcion de Bolsonaro


Lo nòu president del Brasil, cap de la ultra-drecha fascista brasiliana, Jail Bolsonaro, es ja ligat a un cas de corrupcion qu'afècta tanben a la siá familha. Aquel dijòus un jornal brasilian a publicat qu'un polícia qu'aviá trabalhar pendent 10 ans coma menaire de Flavio Bolsonaro, filh de Jaïr Bolsonaro, èra estat mes en examen per l'Operacion Rusca Jato per las nautas somas de sòus depausats en lo sieu compte bancari.

Lo COAF, organisme de contraròtle financièr del Ministèri d'Isènda, considerèt que los mai de 300 mil dolars que recebèt Fabricio Carlos Queiroz èran pas "tipics", per èsser una soma fòrça superior a lo sieu salari.

Dissabte meteis, lo jornal "O Globo" aportèt mai de donadas sus la supausada ret illegala de sòus e informèt qu'uèch assessors del senador elegit Flavio Bolsonaro depausèron de sòus en lo compte de Queiroz.

Los indicis, doncas, condusisson a una situacion compromesa a Bolsonaro que ganhèt las eleccions amb la promesa de lutar contra la corrupcion. Segon las revelacions dels mejans brasilianes, Queiroz auriá transferit de sòus a la femna del futur mandatari, Michelle Bolsonaro. Jair Bolsonaro reconeguèt ja divendres que Queiroz aviá depausat de sòus en lo compte de la siá esposa.