La detencion de la responsabla de Huawei reviu la guèrra tecnologica China - USA


La trèva comerciala entre los presidents Trump, dels Estats Units, e Xi, de la China, se poiriá aver acabat subitament. Ambedós dirigents anoncièron a Buenos Aires una trèva de tres meses en la siá guèrra economica e donèron de mòstras de confidança mutuala. Totun, a Vancouver, la polícia deteniá fa unes jorns a una de las entrepreneiras chinesas mai considerablas, e o faguèt a la demanda dels Estats Units. Es pas previsible, doncas, que lo president Xi desbrembe aquel grèuge. 

Los expèrts avián suggerit qu'aqueles tres meses serián de fòrça trabalh e complicacions tecnicas, mas Pequin aviá ja mostrat la siá confidança a barrar l’acòrdi e aviá promés implementar immediatament las mesuras aprovadas. Ras de la detencion, tot poiriá cambiar.

Lo Canadà a detengut per òrdre nòrd-americana Meng Wanzhou, directora financièra de l'entrepresa chinesa de telecomunicacions Huawei. L’arrèst de Menges un seisme diplomatic d’efièches potenciales per la fragila trèva qu'avián signat recentament los Estats Units e la China en la siá guèrra comerciala. Las borsas an ja anticipat amb fòrtas casudas las consequéncias de l’arrèst.

L’administracion Obama acusèt nacionalas chineses de cargas semblablas mas s'ausèt pas jamai a los deténer dins tresens païses perque prevegèt l'ira de Pequin. Lo cas Meng (Huawei) pòt supausar una escalada de tension entre los dos estats. L’nomenan ‘guèrra comerciala’, mas a mai relacion amb la tecnologia qu'amb las taxas termierèras. Los Estats Units an lamentat la transferéncia de la siá tecnologia cap a la China, foguèsse ja per ciber-espionatge, olimpica ignorància de brevets o la forçada associacion de las siás entrepresas amb localas per dintrar dins lo mercat asiatic.

L'inici de las hostilitats foguèt lo Plan 'Madein China 2025', que preten arrancar lo domeni tecnologic a Silicon Valley amb lo desvolopament d’una desena d’indústrias d’nauta valor aponduda, coma la robòtica, veituras electricas, intelligéncia artificiala o biomedecina. L'iniciativa, publicitada sens pausa per Xi coma la clau economica dels prèps decènnis, foguèt recebuda a Washington coma una menaça.